Le Drum HQ

Bless bless WordPress

Fri, 23 Oct 2026 18:09:59 +0000

Rímar smá er það ekki?

Svona í ljósi nýjustu fregna eða ekki fregna af php veseni og af því maður var að reyna að gerast sjálfum sér nægur (sans substakkurinn) þá fór ég að hugsa hvort það væri ekki örugglega sniðug hugmynd að setja vefinn minn upp á umsjónarkerfi sem kostar ekki krónu og reiðir sig ekki á neitt aukaforrit eða þjónustu.

Niðurstaðan var sú að henda sér á kerfi sem heitir Hugo og er gersamlega snautt af öllu hjálparveseni. Mínusinn er sá að þú þarft að kunna smá fyrir þér í forritun og notar ekki vefviðmót (eins og substakkurinn er).

Veljum Evrópskt

Sun, 18 Oct 2026 22:23:28 +0000

Undanfarið hef ég verið að leika mér að því að setja upp mitt eigið tölvuver í stofunni, sem mallar makindalega við hliðina á sjónvarpinu, samhliða því að læra á Python í hjáverkum. Hvað gerir maður annað þegar heilinn kallar á áskoranir og maður er ekki lengur að nema neitt eftir þrjár háskólagráður?

Heilinn í mér er oft eins og heilinn í Sherlock Holmes, sem lýsti því yfir að hugur sinn risi gegn stöðnun. Munurinn er sá að Holmes þurfti sjö prósent kókaínlausn þegar verkefnin vantaði, en ég læt mér nægja Python-villumeldingar.

Tilraun til skáldskapar

Mon, 07 Sep 2026 21:38:13 +0000

Fyrir allt of mörgum árum þegar ég var að nema skipstjórnarfræði við Fjölbrautaskóla Suðurnesja, var ég staddur í íslenskutíma hjá hvers kennara sem mér er löngu flogið úr minni því miður. Rámar þó eitthvað í að hann hafi svarað nafninu Þorvaldur, er þó ekki handviss.

Nema hvað að í einum tímanum þá áttu nemendur að semja ljóð sem átti að hefjast á orðunum “ég er”, og áður en það hverfur gersamlega úr minni þá kemur það hér:

Leikurinn, leikreglurnar og það sem enginn spurði um

Sun, 06 Sep 2026 22:53:34 +0000

Niðurstaðan var þunn: 52,84 prósent sögðu nei, 47,16 prósent sögðu já þegar var búið að telja úr kjörkössunum. Gott og vel. Það sem var búið að dynja á áður en krossið var sett á kjörseðilinn þarf hins vegar að spyrja aðeins um. Ekki hverjir kusu hvað, heldur hvers vegna ákveðin rök hljómuðu sjálfsögð og önnur hljómuðu eins og sérviska.

Kynnum til leiks Pierra Bourdieu. Hann fæddist árið 1930 í Denguin, litlu þorpi í Béarn í suðvesturhorni Frakklands. Faðir hans var póstmaður, kominn af leiguliðum, og heima var töluð béarníska frekar en franska. Þaðan komst Bourdieu inn í École normale supérieure í París, innsta hring franska menntakerfisins, þar sem synir borgarastéttarinnar lærðu að tala eins og þeir ættu staðinn. Það gerðu þeir reyndar.

Ein lítil historía

Sun, 23 Aug 2026 01:11:50 +0000

Ég hef undanfarið marghlustað á bækurnar Híf opp! og Laggó! á Storytel. Báðar fjalla þær um gamansögur af sjómönnum og kann ég höfundi þeirra, Guðjóni Inga Eiríkssyni, miklar þakkir get endalaust hlegið þegar ég hlusta á Hjálmar Hjálmarsson lesa þessar bækur.

Ég er sjálfur gamall sjómaður, faðir minn skipstjóri í fjöldamörg ár á þeim sama báti og hefur skotið rótum á bílaplaninu hjá Byggðasafninu á Garðskaga og telst til einna minjanna á því góða safni.

Merkingin verður til í samtalinu

Tue, 14 Jul 2026 23:39:19 +0000

Þú rennir í gegnum símann að kvöldi til. Manneskja sem þú hefur aldrei hitt heldur litlu glasi af andlitskremi upp að myndavélinni, brosir og segir að það hafi „gjörbreytt húðinni hennar”. Innan sólarhrings hafa þúsundir keypt sama krem. Spurningin sem félagsfræðingurinn spyr er ekki hvort kremið virki, heldur hvers vegna orð ókunnugrar manneskju á skjá öðlast slíkt vald yfir hegðun okkar.

Svarið má finna í hugmyndum sem eru næstum aldargamlar. Bandaríski félagsfræðingurinn Herbert Blumer (1900–1987) smíðaði árið 1937 hugtakið *symbolic interactionism* — táknbundin samskipti — og byggði þar á kenningum læriföður síns, George Herberts Mead. Þótt Blumer hafi mótað þessar hugmyndir löngu fyrir tíma samfélagsmiðla lýsa þær heimi áhrifavalda af óhugnanlegri nákvæmni.

Þegar tungumál þróast

Sun, 09 Nov 2025 15:44:29 +0000

“Hlöðumk búkum hölda, höfuð fjúka af strjúpa, kveifur ljúka lífi, lyddur krjúpa í djúpi.”

Þetta er ein af fáum setningum sem ég man eftir að hafa flutt á sviði í Samkomuhúsinu í Garði fyrir allt of mörgum árum síðan í hlutverki Palla pílu – eilífðarstúdentins sem var jafnframt samferða honum Litla-Grúti í gegnum leikverkið Járnhausinn eftir þá bræður Jónas og Jón Múla Árnasyni.

Reyndar man ég eftir annari sem var stutt og laggott: “Ok munum vér husla hræit!”

Önnur lítil historía

Sat, 11 Jan 2025 21:53:46 +0000

Tilefni þessarar stuttu sögu er allt þetta fjas og þras sem kemur upp um leið og það er orðað að endurskoða kvótakerfið. Þeir sem lifa og hrærast í því og eiga sem mest af kvótanum mega náttúrulega ekki hugsa til þess hryllings að missa spón úr aski sínum og hefja kvótakerfið upp til skýja sem eitt besta stjórntæki sem til er og hafi í raun og veru bjargað hinum ýmsu fiskistofnum.

Tveir bátar eru á sjó í fyrsta sinn eftir langa brælu, netin úti allan tímann. Annar báturinn selur fiskinn beint í eigin fiskverkun – hinn landar á markað. Þessi sem landar á markað er með fleiri net í sjó og fleiri menn á – hinn er ekki eins fjölmennur og ekki eins mörg net í sjó.

Happy new year!

Wed, 01 Jan 2025 17:40:49 +0000

Don’t forget to rock and roll in 2025 ok.

Valkyrjur

Thu, 05 Dec 2024 10:46:35 +0000

Merking orða og tákna í síbreytilegu samhengi

Tákn og orð eru ekki aðeins verkfæri til samskipta heldur einnig spegilmynd samfélagsins sem notar þau. Í síbreytilegum heimi hafa þau tilhneigingu til að þróast og taka á sig nýjar merkingar sem endurspegla breytingar á menningu, sögu og gildismati. Orðið Valkyrja er áhugavert dæmi um slíka þróun, þar sem það hefur umbreyst úr goðsagnakenndu tákni í ýmis konar menningarlegar túlkanir í gegnum aldirnar.

Áfengi er engin venjuleg neysluvara!

Fri, 13 Nov 2015 23:39:00 +0000

Kveikjan að þessari færslu er frumvarp á Alþingi, þar sem leyft yrði, ef samþykkt yrði, að selja áfengi í matvörubúðum meðal annars. Færslan er jafnframt verkefni í námskeiðinu Áhrifavaldar heilbrigðis, forvarnir og heilsuefling við Menntavísindasvið Háskóla Íslands.

Samkvæmt Embætti landlæknis voru seldir 7.18 L af hreinum vínanda á hvert mannsbarn á Íslandi 15 ára og eldri. Sala í Fríhöfn og það sem áhafnir flugvéla og skipa mega taka með sér utanlands frá er ekki talið með. Samkvæmt mannfjöldatölum Hagstofu Íslands voru íbúar á Íslandi 15 ára og eldri árið 2014 258.861 manns. Það gera því 1.858.629,16 L í heildina af hreinum vínanda á árinu 2014.

Forgangsröðum rétt

Mon, 23 Sep 2013 00:48:00 +0000

Það er ekki ofsögum sagt að á LSH er afburðastarfsfólk til
staðar þegar eitthvað bjátar á, fagfólk sem er fært í sínu starfi.
Fjölskyldunni minni fjölgaði óvænt um eina stúlku, langt fyrir tímann, nánar til tekið eftir rúmlega 26 vikna meðgöngu . Hún er núna í
góðum höndum hjá starfsfólkinu á Vökudeildinni og plumar sig vel miðað við
aðstæður.\

Þegar maður er í svona stöðu þá getur maður ekkert annað en
viðurkennt vanmátt sinn, það er bara einfaldlega hrikaleg tilfinning að geta ekkert gert nema að bíða
og sjá til hvað gerist. Það gerir mann eiginlega ekkert annað en fúlan í skapi.

Leyndarmál upplýst

Fri, 30 Aug 2013 12:41:00 +0000

Fyrir all nokkru síðan kom út afmælisblað Björgunarsveitarinnar Ægis í Garði eða á 60 ára afmæli sveitarinnar sem væntanlega hefði þá verið árið 1995. Í afmælisblaðinu mátti lesa sögu af því þegar Sigurði Bjarnasyni GK var sökkt um 70 sjómílur vestur af Reykjanesi. Höfundur kom ekki fram undir nafni. Það upplýsist hér með að sá sem heldur út þessari bloggsíðu er ábyrgur fyrir innihaldi sögunnar.

Af hverju forvarnir?

Sun, 11 Aug 2013 17:11:00 +0000

Ímyndið ykkur meðalstórt þorp sem liggur við árósa. Daglegt líf er í föstum skorðum, þar til dag einn er öskrað á hjálp. Þorpsbúar líta upp frá verkum sínum og sjá þá til manns sem kemur fljótandi niður ánna. Einn þorpsbúa, syndur eins og selur, hugsar sig ekki um heldur rífur sig úr vinnugallanum og hendir sér í ánna til bjargar manninum.

Björgunin gekk að óskum en varla var björgunarmaðurinn búinn að kasta mæðinni þegar aftur heyrist kallað á hjálp frá öðrum manni sem kom fljótandi niður ánna. Aftur rýkur björgunarmaðurinn af stað og hendir sér á nýjan leik í ánna. En á meðan á því stendur, heyrist í þriðja manninum kalla á hjálp.

Ein lítil historía

Sat, 15 Jun 2013 05:17:00 +0000

Það er ekki úr vegi að rifja upp eina gamla sögu tengda sjávarútveginum fyrst að nýr sjávarútvegsráðherra Alþingis kemur úr röðum framsóknarmanna.

Einu sinni fóru tveir útgerðarmenn úr Garði á fund þáverandi sjávarútvegsráðherra framsóknarmanna, Halldórs Ásgrímssonar. Sem er ekki í frásögur færandi, nema hvað að umræðuefnið átti að vera umsókn þeirra um að fá snurvoðarleyfi í Faxaflóa fyrir báta í þeirra eigu, svokallað Bugtarleyfi á meðal þeirra sem þekkja til.

Tómstundamenntum þjóðina!

Sat, 08 Jun 2013 15:43:00 +0000

Eitt sinn þegar ég var að gramsa á internetinu vegna verkefnis sem ég þurfti að skila af mér í háskólanáminu, þá rakst ég á frétt í Viðskiptablaðinu frá 1. janúar 2010 og nefnist “Kostnaður vegna öldrunar hleðst upp” og byggðist hún meðal annars á grein sem má finna á vef Samtaka atvinnulífsins.

Þar kemur fram meðal annars að fjöldi íbúa á eftirlaunaaldri kemur til með að tvöfaldast á næstu fjórum áratugum í hlutfalli við fólk á vinnumarkaðsaldri ef við getum kallað það svo, það er að segja í Evrópu. Vegna þessa munu útgjöld vegna heilbrigðis- og lífeyrismála stóraukast og Framkvæmdastjórn ESB áætlar að þau muni aukast að jafnaði 3.4% af landsframleiðslu á ári, 2.3% vegna lífeyris og 1.1% vegna heilbrigðis og umönnunar aldraðra.

Hvað er tómstunda- og félagsmálafræði?

Sun, 02 Jun 2013 03:04:00 +0000

Það er ekki úr vegi fyrst maður er rétt að klára fimm ára háskólanám (3 ár B.A. og 2 ár M.Ed) í tómstunda- og félagsmálafræði að velta fyrir sér svarinu við þeirri spurningu sem dynur á mann á mannamótum, hvað er tómstunda- og félagsmálafræði?

Áður en spurningunni verður svarað verður að byrja á því að útskýra hvað tómstundir og tómstundastarf er og tilurð þess náms. Tómstundir er skilgreint sem sá tími sem maður eyðir í skipulagt starf eða afþreyingu og fer fram í frítíma hvers og eins. Frítími er aftur á móti sá tími sem maður er ekki að sinna vinnunni sinni eða (skyldu)námi og uppfylla líkamlegar og andlegar þarfir, eins og að matast, sofa, þrífa sig og sinna heilsunni (Vanda Sigurgeirsdóttir, 2010).

Uppruni hljóðsjárinnar

Sun, 05 Aug 2012 16:08:00 +0000

Ekki er hægt að fjalla um tækninýjungar sem hafa auðveldað skipstjórum lífið án þess að minnast á tilkomu hljóðsjárinnar sem betur er þekkt á meðal íslenskra sjómanna sem “ASDIC” sem er skammstöfun á “AntiSubmarine Detection Investigation Committee” sem var nefnd á vegum breska sjóhersins og sá um eins og nafnið gefur í skyn að finna kafbáta. Sá bandaríski kom með sitt eigið nafn á sama fyrirbæri (sem þeir nota bene fengu gefins frá þeim bresku) og nefndu það SONAR. Þeim sem hafa blæti fyrir skammstöfunum er bent á að SONAR er skammstöfun fyrir “SOund Navigation And Ranging.”

Sam Tillen svarað

Fri, 27 Jul 2012 06:17:00 +0000

Enski
knattspyrnumaðurinn Sam Tillen kemur oft og iðulega með góða pistla á www.fotbolti.net og gaman hefur mér fundist að lesa pistlana
hans hingað til. Þó verð ég að fetta fingur út í síðasta pistil hans að
knattspyrnumenn séu ekki fyrirmyndir annarra og sér í lagi barna „og setja ekki
staðal í siðferðiskennd“ (Tillen, 2012) þegar á það var minnst í
breskum sjónvarpsþætti, að oflaunaðir og [fordekraðir] knattspyrnumenn höguðu
sér eins og hálfvitar innan sem utan vallar þegar þeir í raun og veru ættu að
gera sér grein fyrir því að þeir væru einmitt fyrirmyndir.

Uppruni dýptarmælisins

Wed, 11 Jul 2012 00:26:00 +0000

Ein mikilvæg uppfinning á rafeindasviðinu og snerti sjómenn var dýptarmælirinn. Áður fyrr þegar hans naut ekki við þurfti að lóða dýpið og var það gert á þann hátt að lóði var einfaldlega hent útbyrðis, oftast fyrir framan miðju skips, með áfastri taug sem var með hnútum með vissu millibili.

Þegar lóðið staðnæmdist við botninn þá var það einfaldlega dregið upp aftur og taldir hve margir hnútar voru á línunni sem útbyrðis fór. Oftar en ekki var dýpið mælt í föðmum (e. fathoms) en það er lengdin á milli tvegga útréttra handa á fullorðnum karlmanni og var lengdin stöðluð við sex fet.

Úr handafli yfir í vélarafl

Sun, 17 Jun 2012 01:34:00 +0000

Fyrstu tilraunir til þess að sigla skipi með vélarafli má
rekja allt aftur til aldamótanna 1700, en franski hugvitsmaðurinn Denis Papin átti að hafa
gert tilraunir með gufuvél á Fuldafljóti í Þýskalandi. Tengdi hann gufuvélina við árar sem knúðu skipið áfram. Gufuvélin sem um ræddi var í eðli sínu háþrýstipottur sem þekkt er að nota við niðursuðu á matvörum.

Næstu árin var unnið að þróun á gufuaflinu, þó ekki beinlínis til þess að knúa skip áfram, heldur til þess að knýja dælur sem dældu vatni úr kolanámum í Englandi.

Framfarir í siglingum og veiðum við Íslandsstrendur eru ekki kvótakerfinu að þakka

Thu, 07 Jun 2012 12:46:00 +0000

Núna
upp á síðkastið líður varla dagur án þess að verða var við
eintóna kór sveitarfélaga og útgerðarmanna í íslenskum
fjölmiðlum um að verði hróflað við núverandi kvótakerfi þá
muni það leggja sjávarútveg og bæi í rúst. Flestar ef ekki
allar útgerðir munu leggjast af og fjöldi sjómanna og annarra
missa vinnuna. Einatt kveður við einn tón í þessu harmakveini
útgerðarmanna en það er að núverandi kvótakerfi sé
grundvöllur alls hagnaðar sem sjávarútvegurinn hefur útvegað
þjóðinni í gegnum aldirnar. Harmsöngurinn virðist vera að ná
há C-inu í dag, þann 7. júní, þegar útgerðarmenn hafa skikkað
starfsmenn sína til þess að taka þátt í mótmælum á
Austurvelli, þar sem reyna skal til hins ýtrasta að halda því
óbreyttu sem breyta á.

Coding

Mon, 01 Jan 0001 00:00:00 +0000

Hér á þessari síðu koma tvö python forrit, annað er byggt á LOGO forritun sem ég gerði 16 ára í tölvutíma í Holtaskóla fyrir mörgum árum síðan og hitt er straumþríhyrningur úr siglingafræði.

(°)

Curriculum vitae

Mon, 01 Jan 0001 00:00:00 +0000

Professional experience:

2024 – present Director of Specialized Housing, Suðurnesjabær

2023 – 2024: Team Leader in Specialized Housing, Reykjavíkurborg

2022 – 2023: Acting Director in Specialized Housing, Reykjavíkurborg

2020 – 2022:Team Leader in Specialized Housing, Reykjavíkurborg

2013 – 2020: Department Head at a Residential Facility for People with Disabilities, Reykjavíkurborg

2012 – 2013:Assistant Teacher at the School of Education, University of Iceland

2011 – 2012: Director of a Newly Merged Youth and Leisure Center, Hafnarfjarðarbær

Privacy Policy

Mon, 01 Jan 0001 00:00:00 +0000

Who We Are

We are me. Not you. Not them. Just me. This site? It’s mine, not yours, and you can find it at https://ledrum.is. No, seriously, that’s the URL. Not some other URL, just this one. Bookmark it if you like, but that’s your choice, not mine.

Cookies

I have zero interest in your cookies. None. Not the tracking kind, not the advertising kind, not the “we value your privacy” pop-up kind. This site doesn’t set any, so there’s no banner to click away either. You’re welcome. If you want cookies, bake some. The delicious kind.

Them boats

Mon, 01 Jan 0001 00:00:00 +0000

Here there be found some pictures or other media of them boats I have happened to ride the waves on. Some more than a short time, other less than long. Some of them still floating, some of them on dry land and some don’t exist anymore.

Hólmsteinn GK20

This was my old man’s boat, started going out as an able seaman straight after school at 16. It is now wormfood at this museum. It’s also apt that since my younger brother used many of my pictures in this video that I use his as well.